點心到 (廟街)

营业中

休息中

境裝裝修光猛、 整潔， 座位舒適 ，比較寧靜，方便傾計，唔同一般茶樓咁嘈吵。上海小籠包三隻$24小籠包餃子皮厚薄適中 ， 大口咬下，肉汁口中爆出來 ， 沾上醋汁， 更具風味。濃湯鮮竹卷三件$18鮮竹卷被濃湯浸透， 湯入口鮮甜 ， 感覺唔到有味精 ， 腐皮 和餡料， 吸收了上湯精華，更加鮮甜。香煎蘿蔔糕$18蘿蔔糕表面煎到微微焦香， 發現裏面，有大量蘿蔔絲， 濕潤、清甜可口， 越食越滋味。鮑魚螺片雞粥$24雞粥是港式粥底， 入口綿密、 鮮味， 配上滑溜雞件，軟稔螺片， 確實不錯。黑松露菜苗餃三隻$25菜苗餃細細隻， 一口size， 外皮煙煙靭靭 ，鮮蝦爽口彈牙，菜苗清甜，鋪滿上黑松露 ，十分有創意。叉燒腸粉$23叉燒腸粉皮白滑、 薄身， 晶瑩通透， 叉燒餡料滿滿， 好足料， 配上甜豉油， 令人回味。