Spade by Lassana (已結業)

好開心揾到間抵食得泥又幾好食既鋪頭😁由最低層開始講起先迷你朱古力酥暖暖地，好夠脆，又會有朱古力既濃郁👍🏻 呑拿魚三文治就比較乾身少少，而今日咁岩無哂迷你碎蛋酥盒，所以換左個焦糖cheesecake😋 cheesecake味好濃，加埋脆脆一層焦糖，好唔錯😁 再上一層就有綠茶雪糕，雪糕既綠茶味好出，但tea set上左無耐就好快開始溶，雪得唔太夠凍🤔 而迷你士多啤梨吉士牛角包都唔錯，牛角包夠脆，加吉士醬依個配搭幾好，不過士多啤梨唔太當造，所以有啲酸。最上一層既有三文魚他他墨汁脆脆同香蕉忌廉撻。墨汁脆脆就真係幾脆😂加埋三文魚又係一種風味。忌廉撻大家都可以快啲食左先，因為有香蕉，氧化左就無咁好食🙈今次仲同朋友叫左一杯cookie and cream同mixed berries既奶昔，兩杯都好濃味，mixed berries好開胃😂整體而言，價錢抵之餘，環境舒服有海景睇，野食質素都唔錯，值得去試下😍