嘆嘆 (裝修中)

嚟到黃大仙廟附近順便經過黃大仙中心北館，中間嗰層有一間食台南美食嘅餐廳，見佢裝修得好靚，環境都好舒適就入去坐低醫肚先😁我就order咗套餐台南肉燥飯配上滷水雞脾，雞髀醃製到外邊好入味兒裏便雞髀肉好滑，雞油慢慢滲出食落去好Juicy，跟埋去配上肉燥飯，食落去個口感更加滋味撈埋白飯，好完美，仲有少量嘅椰菜中和返個油膩😋鐵路便當 台南三寶配湯朋友order咗台南三寶鐵路便當，原來3號就係鹽酥雞翼、肉羹同台灣腸，耶穌雞翼得來咋得比較薄唔會太多粉漿，裏面嘅雞肉好滑，而肉羹食落去好彈牙再配上台灣腸甜甜地食好味，仲有一個湯紫菜湯清清地配飯都好食😁嘆嘆紫薯奶茶🥤古早黑糖珍珠奶茶會🧋奶茶香滑度好夠，而奶茶嘅茶香味唔算太甘香，好彩古早黑糖甜度令到珍珠奶茶個香味提升左🫢香酥台灣肉羹配番薯條原來煙煙韌韌嘅肉羹食落去夠彈牙，配上番薯條炸過後比較厚實，不過佢唔夠熱，如果即叫即炸即上台咁就Perfect😬