"牛肉薄燒有"驚喜
牛肉燒得剛剛好，一咬落去已經好多肉汁流出，牛肉中間仲夾住炸蒜同蔥花，令到口感、味道更有提升
完全唔需要點汁已經好夠味，唯一可惜係份量較少，到喉唔到肺
"鐵板雞扒"相對起嚟份量較多
雞皮都燒得帶小小脆口，不過肉質就比較普通，略帶小小雪藏味!
"牛肉炒飯"牛肉粒加上蔥花雞蛋嚟炒夠晒香
不過最重要係個飯炒得夠乾身，抵讚
"清酒焗雜菌"一上枱已經陣陣非常香嘅清酒味
由其係金菇最索汁，入口淡淡酒香，不過都係較細份量，幾啖又冇晒
兩個人食埋單都係$330，仲要免加一，鐵板燒嚟講CP值算幾高
問心講，雖然鋪頭門面同服務方面就較為普通，但係食物質素頗有驚喜，絕對可以一試
