影片
更多
2010-04-25
40 浏览
雖然話係酒店食肆，但係呢，除左三文魚刺身真係我本年度食過最新鮮o既，裝修好靚同埋佢地職員o既衣著真係執得好試正之外，事實上我感覺唔到邊度似酒店食肆喎。如果唔係有用openrice 個張優惠券(75折)，相信我個headline會轉做"丟錢落鹹水海o既蒲飛"之類喇。 一行人五位，食下午時段蒲飛(放題任食包一個主菜，主菜MENU五選一)。 壽司有吞拿魚壽司、魷魚壽司、甜蝦壽司同火焰三文魚腩壽司，選擇唔多但係舊飯仲係細飯，唔會大大舊飯博你快D食飽，但講到好食我認為只有火焰三文魚腩壽司，傳說中o既海膽甜蝦壽司無出現過。 刺身兩款，有三文魚同另一種無乜味o既魚，我覺得係劍魚，只係心理上唔想相信。 卷物有兩款，唔多講喇，有興趣你會食兩件但唔會食得多。 炸物... 唔脆、油重，唔食得，有蝦有蟹食都係咁話。 沙律個芝麻汁好香，菜新鮮，記得有薯蓉沙律、熟吞拿魚沙律同埋田園沙律(?)。 漬物有辣魷魚、牛蒡蓮藕，其他唔太記得，不過種類真係唔太多。 絕對冷盤有中華沙律同凍豆腐，同枱有人食到凍豆腐話超好食但係只出左一輪我拎唔到。甜品我認為係普通餅店貨色，連意大利蕃茄o既水平都無，比較可以食o
一行人五位，食下午時段蒲飛(放題任食包一個主菜，主菜MENU五選一)。
壽司有吞拿魚壽司、魷魚壽司、甜蝦壽司同火焰三文魚腩壽司，選擇唔多但係舊飯仲係細飯，唔會大大舊飯博你快D食飽，但講到好食我認為只有火焰三文魚腩壽司，傳說中o既海膽甜蝦壽司無出現過。
刺身兩款，有三文魚同另一種無乜味o既魚，我覺得係劍魚，只係心理上唔想相信。
卷物有兩款，唔多講喇，有興趣你會食兩件但唔會食得多。
炸物... 唔脆、油重，唔食得，有蝦有蟹食都係咁話。
沙律個芝麻汁好香，菜新鮮，記得有薯蓉沙律、熟吞拿魚沙律同埋田園沙律(?)。
漬物有辣魷魚、牛蒡蓮藕，其他唔太記得，不過種類真係唔太多。
絕對冷盤有中華沙律同凍豆腐，同枱有人食到凍豆腐話超好食但係只出左一輪我拎唔到。甜品我認為係普通餅店貨色，連意大利蕃茄o既水平都無，比較可以食o既係清芝士餅。
關東煮算係幾欣賞o既作品，事關你出左酒店一轉彎就見到紀文，一諗到紀文個價錢牌我就係咁食櫻田D關東煮，佢個湯算清，煮物都OKAY，唔可以太苛求。但係如果你要食魚餅，都係出去紀文買啦... 櫻田無乜種類俾你揀，唔係話佢煮得唔好食啦。
以上就係自助吧o既慘況，之後就係主菜－－
天婦羅蕎麥麵：我地無人叫到，但附近有食客叫左，目測到天婦羅原封不動，相信同所有炸物一樣咁重油(強烈認為呢度D炸功有待改進)，然後麵就食晒，聽到對方話好食。
鐵板燒三文魚配炒飯：又係全枱無人叫到，我見到佢炒焦左個飯(太好彩，其實原本我想叫)，三文魚就唔知道喇。
豚肉生薑燒：我地無叫到又附近枱又無人食，唔知。
鐵板燒香草羊扒：全枱人都叫左呢個，相信係因為價格問題。之不過我個人認為羊扒切粒煎到太老喇，但係羊扒無"那"粉，算啦。羊扒選料唔錯，可惜配菜似乎比較好味，大概係羊油滋潤左佢地(所以塊扒就老左囉！)。
鐵板燒香草雞扒：我地無叫到又附近枱又無人食，唔知。
最後埋單唔係我，所以我唔知一個人幾多錢，據悉係二百蚊樓下一位。但係俾得呢個價錢，如果唔係好鐘意食三文魚刺身，倒不如去食其他放題好過。二百蚊，水車屋都去左啦。
PS: 店內廁所好乾淨。
张贴