影片
更多
2009-11-14
27 浏览
今日係同男友其中一個重大紀念日, 朋友highly recommend 呢間, 話戶外仲幾浪漫, 有泳池, 好! 就呢間~男友book 枱時話只有戶外位, 今日凍凍地本來有少少concern, 但記起"幾浪漫" 呢三個字, 就爽快book 位, 戶外位都唔區~~點知.........lai 野啦...我攞完野食返位等男友, 有2女1男匆匆去左我既隔離枱;見侍應先生叫得出其中一位女士個名, 可見佢地相當熟絡,甫坐下, 3人立即煲煙.......原來佢地係ball room 個面有function, 黎呢度食煙;d 風由個邊吹過黎, 我同一時間食3支2手煙........勁無奈,3位走後, 以為有好日子過, 非也, 一對情侶又黎, 個男的正係我旁邊, 女的食野, 男的食煙, 真係食煙都食飽............由於本人氣管唔好,唯有入去內堂行來行去, 等佢食完先返埋位........請大家注意, 忌煙者千祈咪坐戶外, 無位選第二間, or 第二日去好過.........食物方面, comment 如下:生蠔: 係本人既最愛, 但呢度既生蠔新鮮開但唔甜; 非常無意思,與男友都係食左一ro
話戶外仲幾浪漫, 有泳池,
好! 就呢間~
男友book 枱時話只有戶外位, 今日凍凍地本來有少少concern,
但記起"幾浪漫" 呢三個字, 就爽快book 位, 戶外位都唔區~~
點知.........lai 野啦...
我攞完野食返位等男友, 有2女1男匆匆去左我既隔離枱;
見侍應先生叫得出其中一位女士個名, 可見佢地相當熟絡,
甫坐下, 3人立即煲煙.......原來佢地係ball room 個面有function, 黎呢度食煙;
d 風由個邊吹過黎, 我同一時間食3支2手煙........勁無奈,
3位走後, 以為有好日子過,
非也, 一對情侶又黎, 個男的正係我旁邊,
女的食野, 男的食煙,
真係食煙都食飽............由於本人氣管唔好,
唯有入去內堂行來行去, 等佢食完先返埋位........
請大家注意, 忌煙者千祈咪坐戶外, 無位選第二間, or 第二日去好過.........
食物方面, comment 如下:
生蠔:
係本人既最愛, 但呢度既生蠔新鮮開但唔甜; 非常無意思,
與男友都係食左一round, 由於本人唔想浪費食物; 有少少捱的感覺, 慘
龍蝦
爽甜, 果然係呢度必食推介, 仲源源不絕供應
刺身同壽司
都好新鮮, 尤其三文魚 & 鯖魚, 好鮮甜; 都係源源不絕供應
沙律吧
佢真係無咩refill 喎; 我本身好like 沙律, 以為佢會refill, 但到最後都係無
熱食
只食左有西冷牛、燒羊腿、咖喱羊等;
羊真係無so味, 怕so 的人有福了, 但本人鐘意陣so 味, 所以唔係我杯茶;
牛都係不過不失, 唔算精彩, 唔食都無損失;
咖喱羊: 都幾辣架, 唔食得辣要注意!!
甜品;
試左2款 cheese cake; bread pudding; 提拉米蘇; 梳乎利, 朱古力噴泉
每樣食少少; 最好食係bread pudding;
cheese cake 真係唔係好掂呀; 提拉米蘇d酒浸到成團野.....係太濕;
梳乎利係無糖既; 俾糖尿病人有d選擇, 雖然本人覺得唔好食;
但都見得到佢對客人既照顧;
朱古力噴泉 - 無咩特別;
鐘意食甜品既朋友一定會失望
後記: 戶外有bbq 食物; 我地要左2片羊扒, 後來見到個
之前見負責侍應唔係度, 我地轉頭再去;
點知個侍應態度都幾差下; 行緊埋去個 bbq bar 時, 有個客問佢取雞翼, 佢大聲夾惡話" 雞翼無咁快架喎!!!" 好有MK 串燒鋪個D FEEL;
我地要左2片羊扒, 但由於本人唔食想食包; 問佢可唔可以夾個迷你漢堡; 侍應粗聲粗氣答"唔得喎, 一定要連包架喎!!!" 咁但係佢俾左片迷你漢堡我之後; 又無幫我整個包同d 洋蔥個d, 而且; 個張枱係無夾用!!! 正想問佢攞個夾用之時, 佢忙於向另一個侍應訴苦"頭先有個女仔咁咁咁咁......"
仲有一點; 係熟既食物枱上; 有一盤生既雞翼係旁邊; 好亂下; 生熟食物要分開; 大排檔都知啦; 對呢間五星級酒店有D失望.........
當然; 呢個人同另一個客人可能有D 誤會; 但我都係客喎; 今時今日咁既態度...
總結; 紀念日呢D重要日子, 大家要慎重考慮係邊度食; 最好搵間食過既會比較有保險D
张贴