616牛肉火鍋專門店 (錦榮街) (已結業)

舊年之前，要食牛肉火鍋，當然係上深圳，又平又正，食完再去飲喜茶，大滿足。不過，有啲夢始終要醒，今生今世，怕且都唔會再踏足鄰國。好彩，要食牛肉火鍋，香港仲有間 616。同深圳啲牛肉火鍋店一樣，呢度都有張牛圖，按圖索驥，鍾意食邊 part 叫邊 part，脖仁匙柄三花腱胸口膀等等等等，全部都係既熟悉又久違嘅名字。牛牛上枱之後，先根據店家建議嘅時間淥熟，再蘸上秘制牛肉汁加柑桔汁，一啖入口，肉質既鮮，牛味亦濃，好味😋。食完埋單，每人二百零蚊，扣除交通支出，其實同上深圳食嘅使費差唔多，性價比高，以後可以專心留港消費啦🤗。