前菜：🦑 燒太子魷魚 - 魷魚燒得剛剛好，外皮微微香脆，帶點輕微的辣勁，十分開胃。辣味唔會蓋過魷魚嘅鮮甜，反而令味道更加突出，入口彈牙得嚟又唔會韌，為成餐飯揭開完美序幕。
🍞 日式溏心蛋多士 - 多士烘得香脆，上面嘅溏心蛋切開蛋黃緩緩流出，蛋香醇厚。面頭加咗少少魚子醬，鹹鮮味同蛋黃好夾，令成道菜味道更加豐富。
1
是日餐湯：🍲 燴牛尾湯 - 湯底濃郁但唔油膩，牛尾燜得軟腍入味，飲得出係花咗時間熬製。
主菜：🐣 雞白湯蝦膠雲吞雞 - 呢個係驚喜之作！用咗意大利雲吞皮，包住爽彈嘅蝦膠，湯底係中式黃油雞熬成，濃白鮮甜。中西合璧得嚟好自然，飲完成個胃好舒服。
甜品: 🍫 朱古力三重奏 - 心太軟外脆內流心，朱古力味濃而不膩；Truffle Chocolate帶淡淡菌香；Bailey’s 奶酒芭菲口感細滑，酒香同奶香平衡得剛好。三款都做得有水準。
飲品：🍹 凍白桃烏龍茶 - 白桃清香，烏龍茶底醇和，解膩一流。 🍵 熱情果花茶 - 酸甜醒胃，飲完成餐飯好滿足。
成個晚餐食到好飽，二人套餐都唔使$400，但菜式嘅精緻同味道嘅層次感令到我覺得性價比超級高😍😍每一道菜都睇到廚師嘅心思同技巧，下次等我試吓晏晝過嚟先🥰
