影片
更多
2025-07-21
466 浏览
每日忙完工作，最療癒嘅時刻莫過於同幾位好friend放工後搵個地方坐低，慢慢飲返杯，食返啲熱辣辣又充滿香料氣息嘅好嘢，講吓笑、望吓海、放鬆埋一日疲倦嘅心情。最近試咗呢間位於尖沙咀嘅東南亞餐廳 MAMTOM，老實講，一入去就知自己搵啱地方。🥢【食物篇｜由沙嗲到叻沙，每道菜都唔敷衍】MAMTOM主打Southeast Asian fusion料理，menu設計有心思，除咗有熟悉嘅星馬風味，仲加咗啲精緻創意，絕對唔係得打卡咁簡單。🔸 Beef Malaysian Satay 馬來牛肉沙嗲 $118沙嗲係必點，呢度嘅牛肉唔止冇腥味，仲夠腍有咬口，炭香味同香濃花生醬完美融合，仲有啲炸蒜絲加強層次，好有誠意。🔸 Deep Fried Prawn Basket 炸蝦籃 $148蝦炸得乾身唔油，外脆內嫩，附上香辣粉令我忍唔住一口接一口。擺盤簡單而精緻，蝦隻隻都啖啖肉，估唔到一款小食可以咁出色。🔸 Bendi Belacan 峇峇羊角豆炒馬拉盞 $68呢味真係大大驚喜，羊角豆唔焾口，爽中帶微微脆，炒香後加上乾葱與惹味馬拉盞，鹹香十足，一啲都唔係副菜feel，反而成為全枱焦點之一。🔸 Singapore
🥢【食物篇｜由沙嗲到叻沙，每道菜都唔敷衍】
MAMTOM主打Southeast Asian fusion料理，menu設計有心思，除咗有熟悉嘅星馬風味，仲加咗啲精緻創意，絕對唔係得打卡咁簡單。
🔸 Beef Malaysian Satay 馬來牛肉沙嗲 $118
沙嗲係必點，呢度嘅牛肉唔止冇腥味，仲夠腍有咬口，炭香味同香濃花生醬完美融合，仲有啲炸蒜絲加強層次，好有誠意。
🔸 Deep Fried Prawn Basket 炸蝦籃 $148
蝦炸得乾身唔油，外脆內嫩，附上香辣粉令我忍唔住一口接一口。擺盤簡單而精緻，蝦隻隻都啖啖肉，估唔到一款小食可以咁出色。
🔸 Bendi Belacan 峇峇羊角豆炒馬拉盞 $68
呢味真係大大驚喜，羊角豆唔焾口，爽中帶微微脆，炒香後加上乾葱與惹味馬拉盞，鹹香十足，一啲都唔係副菜feel，反而成為全枱焦點之一。
🔸 Singapore Laksa 星洲叻沙 $158
椰香濃郁，湯底溫潤又帶少少辣，好適合鐘意香口又唔怕少少刺激嘅朋友。入面有蝦、有魚片、有炸豆卜，湯料超足，配埋青瓜絲解膩，好有層次感。
🔸 Passionfruit White Chocolate Cake 熱情果白朱古力蛋糕 $128
成件蛋糕係smooth mousse狀，白朱古力唔會太甜，配埋熱情果酸酸甜甜，好清新，有少少粉紅胡椒粒提升風味。食到尾都冇膩感，收尾完美！
---
🍹【飲品篇｜一杯酒，一段放鬆的節奏】
我點咗杯 Lemongrass Collins，有檸檬草做stirrer，成杯散發天然草本清香。入面有lemongrass infused gin，再加檸汁、蘇打水，好適合鍾意天然氣息嘅人。朋友嗌咗杯 Classic Mojito，薄荷夠香，酒味清爽，夏日氣氛滿滿。
---
🛋️【環境篇｜木系復古 × 海景光影】
餐廳內部設計好有心思，天花係用舊船木拼砌，吊燈係琉璃做成，光線柔和得嚟帶啲迷幻感。牆上係成幅仿舊櫃桶牆，中間裝住幾面圓鏡，好有電影場景feel。坐窗邊位置可以望到維港景色，黃昏時段陽光灑落嚟，浪漫到不得了，係個好適合放工散心或者偷閒談情說愛嘅靚位。
---
👩🏻🍳【服務篇｜有笑容，有節奏感】
侍應姐姐有禮貌又細心，會主動介紹飲品之餘，落單亦爽快俐落。全晚冇趕客feel，俾人有一種「你想hea幾耐都得」嘅安全感。杯未飲完都唔會催你收台，難得得嚟又舒服。
---
💬【總結：Chill感 × 香氣 × 好景 = 值得再嚟】
兩個人食咗七樣野加兩杯酒，埋單$758，雖然唔係平平地，但以地點、質素、氣氛加埋放工後療癒程度嚟講，絕對值得。
🫶🏻推介俾：
想食得靚、影得靚、飲得開心嘅女仔們
放工唔想返屋企咁快嘅心事女
又或者⋯想製造一個靚靚小約會嘅你❤️
张贴
