URBAN Cafe (駱駝漆大廈第一座)

营业中

休息中

閒日偷閒一日，和男朋友來到觀塘一日遊，重點是來Urban cafe和主子一聚。之前去過旺角分店一次，觀塘店面積更大更寬敞，係全香港最大間的貓貓cafe。閒日中午黎到，已經好熱鬧，因為不少係附近返工的人都過黎食午飯。落單時就已經有貓貓跳左上枱走黎走去！好可愛，落完單，就即刻去追逐主子的腳步，同佢地瘋狂影相。相比旺角店，呢度的貓貓更多，全都係懶洋洋的，好温馴，任人摸，有啲直情訓係枱郁都唔郁陪人食午餐。以QR落單的過程好方便，無漏單，食物都好快到。跟餐是羅宋湯和牛油多士條。紐西蘭牛肉眼大大塊，肉味濃而且一啲都唔韌，伴碟的薯條大大條又炸得香脆，百零蚊好有驚喜！明太子海龍王野菌忌廉意大利飯，野菌紅椒黃椒已經混入飯裏面，飯夠creamy，質感軟硬適中，好好食！飲品點了Oreo脆脆朱古力雲朵沙冰和芒果紫米酸奶，兩杯都做得好出色，味道夠濃料又足！一邊同主子嬉戲一邊食野，真係一件賞心樂事。呢度總係令人流連忘返。