大阪王將 (已結業)

睇到d餃子既相就想食，今天終於去試左！$48半打餃子加一碗烏冬。$60半打餃子加天津飯和沙律及湯。餃子OK好味，食完半打仲想再食。碗烏冬有小小似拉麵，味道一般都收貨。碗飯就幾特別，未食過咁整法，蟹肉炒蛋加上湯汁。蟹肉係真既，我食到蟹殼，加上湯汁都幾好。碗湯就好流…飲一啖唔想再飲。個沙律竟然用上我討厭既椰菜，唔洗講冇食到。整體感覺OK，下次我會買一打餃子食，喱度最好味始終係餃子，水煎法好處係冇乜油。