影片
更多
2010-08-23
21 浏览
黎過兩次，首先講第一次先。第一次，單拖，行到 La Tasca 面前諗左好耐，因為個價錢同想像都差幾遠下(印像中有食家講過 Tapas Set 約為 100)。粗略估計如果一個人去起碼要 150 落樓。結果都無估錯。一個人 order 左 : Traditional Sangria 一杯(本人唔喜歡酒精飲品，所以叫佢落好少酒就好)，一份 Beacaon+Squid(Tapas Size)，一份 Lamb(Tapas Size) ，外加麵包一籃。第一份上既當然係 Sangria ，第一啖入口，果汁味重，但都遮唔住酒味，睇黎就算叫佢落少 d 佢都唔多理你。第二份上既係 Beacon+Squid，呢個好食，煙肉粒乾身，好香，不過好鹹，用少少黎送麵包一流。Squid 好彈牙，但唔會o趙唔開，確實不俗！缺點為好鹹，鹹到流眼水o個隻。第三份上既就係 Lamb，味道 OK，羊肉已經好稔，但無乜羊既酥味，可惜個汁怪怪地，可能食慣羊腩煲既汁，呢隻"茄汁"味醬汁唔多欣賞，不過，亦唔難食。麵包有 refill (一次)，第一次上既時候，真係脆口，而且好香，第二次就好似無烘過咁，不過都唔難食。第二次同學會聚餐
第一次，單拖，行到 La Tasca 面前諗左好耐，因為個價錢同想像都差幾遠下(印像中有食家講過 Tapas Set 約為 100)。粗略估計如果一個人去起碼要 150 落樓。結果都無估錯。
一個人 order 左 : Traditional Sangria 一杯(本人唔喜歡酒精飲品，所以叫佢落好少酒就好)，一份 Beacaon+Squid(Tapas Size)，一份 Lamb(Tapas Size) ，外加麵包一籃。
第一份上既當然係 Sangria ，第一啖入口，果汁味重，但都遮唔住酒味，睇黎就算叫佢落少 d 佢都唔多理你。
第二份上既係 Beacon+Squid，呢個好食，煙肉粒乾身，好香，不過好鹹，用少少黎送麵包一流。Squid 好彈牙，但唔會o趙唔開，確實不俗！缺點為好鹹，鹹到流眼水o個隻。
第三份上既就係 Lamb，味道 OK，羊肉已經好稔，但無乜羊既酥味，可惜個汁怪怪地，可能食慣羊腩煲既汁，呢隻"茄汁"味醬汁唔多欣賞，不過，亦唔難食。
麵包有 refill (一次)，第一次上既時候，真係脆口，而且好香，第二次就好似無烘過咁，不過都唔難食。
第二次同學會聚餐，訂左位，所以無需等待，可以直人。雖然遲左 15 分鐘，但侍應無面黑，亦無打電話種催，仍然笑容燦爛，唔錯。
星期日有特別 set，1L Sangria 加兩人份西班牙海鮮飯平 100 蚊，只要 260。叫左兩個 set，有 Tapas，有飯，有 2L 飲品。由於在場不少人士唔飲酒，故希望侍應可唔可以將其中一 Jar 唔落酒，侍應反建議不如轉做果汁，於是決定轉做橙汁…
飲品先上，即場呆左，原先 1L Sangria 轉左做 1 杯橙汁…哇，唔係咁玩呀？你話兩杯都算呀，一杯？一杯橙汁佢先賣 35 ，一杯既 Sangria 佢賣一樣價喎，而家 1L Sangria 轉做一杯橙汁？同侍應溝通一輪後，終於幫我地轉返做 1L 既橙汁，好，無事發生。Sangria 睇黎就算你叫多酒定少酒都差唔多，今次一樣叫少酒但酒味比上次更濃。
再上麵包，好味，今次既麵包比上一次更香更脆，好味！不過唔知因為張檯太細，定侍應見已經上 main course 以為我地唔再食包，食完第一輪就唔見有 refill。
跟住上既係 Olive，一個字，鹹；兩個字，超鹹。高血壓絕對不宜。
食完戲到眼水都出埋既 Olive，跟住就上各式 Tapas : 雞翼，奄列 (你當薯餅比較似 d)，炸雞肉粒，另外加點肉丸意粉，Spare Ribs 等。各式食品份量都好少，比較適合一兩個人食。今次七個人就顯得唔多夠分了。
最後係西班牙海鮮飯。碟大，睇落份量都好多，實際其實份唔算多，因為隻碟比較淺，飯桶們千萬唔好相信樓下既食評，唔好以為真係多到食唔晒 (可能其他食家本身係女仔，一個飯盒夠三個人食)。不過，味道不錯，飯好軟身(亦都可以話無咬口)，海鮮都幾多下。
不經不覺食左兩個幾鐘，埋單走人。
消為 : 單人為 150 左右，七人平均每人 120。
附註 : 可能樓下既食評太耐無 update，個價錢都唔太正確。更新一下資料。
Tapas Set 價錢為 220-260 一 set ，包三到四個 tapas , 1L Sangria。
星期一至六晚上八點前有特價 tapas，平均 40-50 一款。
正價 Tapas 由 2x-6x 不等。
不過，Tapas 份量真係好細，請有心理準備唔多夠飽，另外麵包好似無限 refill，好似都無計錢，但唔知咩情況先會 refill 比你。
张贴