喜萬年酒樓 (已搬遷) 新店位置

睇完苏丝黄介绍喜万年的乳猪有几好食，昨夜终于约埋班friend去试试，可惜成间酒楼实在令人失望！乳猪本来都OK啦，但又唔系好食到飞天啰！而佢出名的炒鲜奶，炒得老，又好咸，唔通唔系苏丝黄黎就可以整成咁？最惨系伙记招呼奇差，点菜重覆讲完两次后，点知原来都未落单，侍应大姐仲大条道理话"系呀，系未落单架！"，都不特止，适逢其会系"XXX先生光荣离职回归祖国做好工大派对"（佢个backdrop系咁写架），一班同胞大唱你同我都无可能识的五,六十年代国语歌，令我极有时光倒流feel之余，仲同榕树头卖唱无乜分别，简直头都痛埋！最后又系送糖水时间，同一位侍应大姐又要我地重覆两次讲要乜糖水，最后当然又系整错晒收场，我地要求换，佢讲大话话话无晒，又话"系咁架喇"，最后怕我地投诉，又揾到几碗之前话无晒的糖水出黎，十分神奇！我谂，如果苏丝黄寻日同我一齐去，或者佢会考虑攞狗头铡出黎，如果有心食好野的话，可以唔洗去喇，如果想食到一肚气，都可以谂谂！