喜記蟹將軍

营业中

休息中

喜歡食蟹必定聽過呢間。尖沙咀美麗華分店全新裝修，環境新淨，仲有梳化卡位同箱房。✨喜記正宗炒辣蟹餐廳招牌推薦，三種辣度，四種大小。揀左最細size，中辣。避風塘口味，加上辣椒同炸蒜，超級濃味，比較適合配啤酒。店員會幫手先敲開蟹鉗，方便客人進食蟹身部分亦已斬件。蟹肉好甜。✨喜記富貴蝦富貴蝦好大隻。三種食法，椒鹽、油鹽水浸或清蒸。今次試椒鹽，外殼炸至好脆身，好多椒鹽係面，真係比較濃味，裡面蝦肉係鮮甜。✨豉椒炒蜆豉椒炒得好香，蜆肉漲卜卜，肉質彈牙。味道不錯。✨招牌蟹油炒麵用蟹油炒，麵條有蟹油嘅甘香同蒜香，食落亦唔會好油膩。