影片
更多
2018-08-05
88 浏览
原來在元朗劇院對面有間泰國菜，睇show前入去食飽飽，Happy Friday的享受！餐廳差不多全場坐滿，不過我哋兩個人都好快有位，餐廳有小部份座位在戶外，像露天茶座，裏面雖然座位不多，但因為門面開揚，所以無壓迫感，好多人喺度happy hour飲番杯。餐牌種類好多，有泰式烤魚嘅二人套餐，不過我哋陣間要入場睇show, 唔敢食咁複雜嘅嘢，怕唔夠時間，食簡單啲，叫啲小食加隻燒雞，快快手食完入場。一坐低，先送來一小碟醒胃酸菜，每枱都有一碟的，$10，好好味！用泰式酸辣醬醃製的，醃得入味，我喜歡酸辣並重的味道！我叫咗一支泰式啤酒$25, 味道都幾易入口，女士啱飲，麥味淡淡的，冇平時飲開嘉士伯、生力呢啲咁濃，夠凍， 消暑、去油膩，食嘢啱曬。冰凍椰青$40,超好飲！因為雪得好夠凍，飲落去椰青嘅清甜同埋清新感覺，令人好舒服，職員冇介紹錯呢，必飲！而且大大個椰青，越飲越涼快，食完餐飯都未飲完。酸辣鳳爪沙律$78,我最愛的泰式小食！味道真係夠酸夠辣！大讚！因為好多香港的泰國餐廳食物都會減淡辣味，就返香港人口味；其實鳳爪醃得夠酸而只得微辣，就會失去香味，得個酸字，要有小至中辣才會香口，而酸味會平衡辣味，
餐廳差不多全場坐滿，不過我哋兩個人都好快有位，餐廳有小部份座位在戶外，像露天茶座，裏面雖然座位不多，但因為門面開揚，所以無壓迫感，好多人喺度happy hour飲番杯。
餐牌種類好多，有泰式烤魚嘅二人套餐，不過我哋陣間要入場睇show, 唔敢食咁複雜嘅嘢，怕唔夠時間，食簡單啲，叫啲小食加隻燒雞，快快手食完入場。
一坐低，先送來一小碟醒胃酸菜，每枱都有一碟的，$10，好好味！用泰式酸辣醬醃製的，醃得入味，我喜歡酸辣並重的味道！
我叫咗一支泰式啤酒$25, 味道都幾易入口，女士啱飲，麥味淡淡的，冇平時飲開嘉士伯、生力呢啲咁濃，夠凍， 消暑、去油膩，食嘢啱曬。
冰凍椰青$40,超好飲！因為雪得好夠凍，飲落去椰青嘅清甜同埋清新感覺，令人好舒服，職員冇介紹錯呢，必飲！而且大大個椰青，越飲越涼快，食完餐飯都未飲完。
酸辣鳳爪沙律$78,我最愛的泰式小食！
味道真係夠酸夠辣！大讚！因為好多香港的泰國餐廳食物都會減淡辣味，就返香港人口味；其實鳳爪醃得夠酸而只得微辣，就會失去香味，得個酸字，要有小至中辣才會香口，而酸味會平衡辣味，食落無咁辣的。今次呢度食，除了酸辣味突出，還有鳳爪的爽口質感，涼拌菜要求都做到了！推介！
炸蝦餅$68,一碟4件，會切開一半上菜。
炸蝦餅外層好脆， 要點埋泰式酸辣醬食，其實唔辣的，都是酸甜而已，而且濕濕哋易入口，不點醬，食佢原味，口感都非常豐富，因為外面脆裏面蝦滑爽口，蝦味則不算突出，爽口感覺就很明顯，香口小食送啤酒啱晒！
辣椒膏炒椰苗$88,見人地推介呢個菜，說經常會賣晒食唔到，今次我好彩食到。
先介紹椰苗，其實就是椰菜bb, 未長大成球型就收割，所以是很嫩的。食落非常鮮甜，下了麻油、辣椒、粉絲、黃豆一起濕炒，很有鑊味。辣椒其實不辣，幫助揮發香味而已；椰苗本身好爽口，水份多，而且超鮮甜！食菜類來說，真係第一次食到讚口不絕，超推介炒椰苗！
火焰燒雞$148, 想看看是如何的火焰燒雞。燒雞是春雞的大小，已經烤好，只是在上桌時，在雞的上半部份淋上酒，然後點火，一團小火焰就包圍了雞，近距離來個小型營火會，視覺較果令人興奮！
玩完呢個視覺藝術之後，職員會攞入廚房幫隻雞斬件。雞肉烤得比較乾身，外層脆脆的 皮，但肉質就稍嫌不夠 juicy, 可能口味唔同啦，泰式係要食乾身啲， 重點在泰式酸辣醬，要點醬食，酸中帶甜而微辣， 令雞肉增添濕口感同埋味道，都係另一種風味
總結，今次食薄荷葉泰國菜覺得是餐廳風味取勝，因為感覺實在令人輕鬆愉快。食物方面，酸辣鳳爪和炒椰苗是最推介的，埋單$502,每人消費$251都ok。
张贴
