Moomin Cafe (已結業)

朋友仔好鍾意姆明，特登喺尖沙咀訂咗呢間主題餐廳，同佢慶祝生日。入到餐廳，覺得好有趣，因為放咗好多姆明公仔係d凳上面，好似姆明陪自己食飯咁，好得意。座位空間都好闊落，有一啲係望海嘅位，因為我哋人多所以坐唔到，但下次可以去試。我哋每人叫咗一個餐，上枱嘅時候佢個飯好可愛，因為飯係整成姆明個樣，其餘食物都好味，牛扒夠新鮮，意粉又夠濃味,最後預備左一個特別嘅姆明生日蛋糕比朋友，蛋糕除咗有得食之外，隔離間屋仔其實有三層，裏面係獨立分開，每層都有唔同味嘅啫喱，好好食，非常特別值得一試呢！