鼎豐雞煲泰國菜 (已結業)

早幾日講好耐冇食烏頭，之後謙謙話係呀公公婆婆鍾意食的，我地不如去食泰國菜，原來係謙謙掛住金邊粉，一於去鼎豐食。🔯 炸蝦餅 ～ 大大件有3件， 咬落Q彈，又有鮮味。🔯 蒜香牛油雞翼 ～ 雞翼被重重的炸蒜包圍， 入口好香牛油味，內裡嫩滑。🔯 豬肉生菜包 ～ 超惹味的炒豬肉碎， 用爽甜的生菜包住係錦上添花。🔯 泰式馬拉盞炒茶 ～ 幾款茶中我選左椰菜苗， 因成日覺得人地泰國餐廳炒得特別好食。🔯 泰式炒金邊粉 ～ 幾隻爽口大蝦在面， 甜甜酸酸謙謙必點仲想獨享。🔯 青檸明爐烏頭 ～ 爸媽最期待的魚， 因用左大量香料和青檸汁魚食落無泥味， 魚肉吸哂d 酸辣汁仲滋味。