極尚大喜屋 (加連威老道) (已結業)

大喜屋係食完一次又一次，不停地重複想食嘅一間餐廳。北海燒帆立貝一拎出黎好有味，上面燒到焦糖色好好睇，入面有一粒大大粒嘅帆立貝，出面係有青椒沙律嘅味道，熱辣辣都可以嘗試下。燒秋葵真心好鍾意食秋葵😍呢個我叫完一次又一次不停地refill ，連我都唔知食咗幾多串。可以放題任食燒秋葵，覺得好幸福，可以放膽叫。燒完上面有啲孜然粉嘅味道，但不改秋葵嘅特質。海膽壽司🍣估唔到海膽壽司既海膽係咁多而唔多飯，海膽好新鮮，顏色鮮艷，仲要有唔少嘅海膽添，海膽係口入邊溶化。刺身食刺身梗係要新鮮啦，呢個刺身都係新鮮嘅，今次試咗希靈魚，覺得口感脆卜卜都唔錯。但今次嘅蟹腳俾得唔足，可能我寫字寫得醜樣。咖哩蟹真係好濃郁嘅咖喱味，蟹入面全部沾滿咖喱味，食完好想叫碗白飯黎餸😂。榴槤炸彈呢個必食，不過要小心個口。出面香脆，入面既榴槤味好香，咬完之後啲榴槤味飛晒出嚟，但好熱，我太急想食，就辣親左口。入邊啲榴槤溶下溶下，啖啖榴槤。