麥當勞 (已結業)

早幾日見各個平台都介紹麥當勞期間限定麥旋風，唔係紫薯唔係阿華田，係未出現過既D24榴連！普通版25蚊，濃厚版40蚊！見佢賣貴咁多，應該都有番咁上下質素既。好！放工去試下，見到竟然有成10個人排緊雪糕，目測有六七個都係買榴連，仲要係買濃厚版既，濃厚版係普通版另加一盒仔榴連醬。我就揀左個普通版（伏都唔會伏咁多🤫）嘩！未食都好大陣榴連味，目測都有唔少醬！食落唔會太甜又有好香既榴連味，唔會好假，似係用榴連肉再加榴連味糖醬混合出黎，偶然仲會食到一絲絲既榴連纖維。原本creamy既榴連再加上雪糕，好match，25蚊抵試呀！ 下次我都係會買番普通版，岩岩好，再多會膩。