煮打菜打冷小菜館 (已結業)

上星期去筲箕灣耀東邨探朋友，這個地方以前我哋一大班朋友都經常會喺附近聚腳，因為那時候大部分同學仔都係住喺港島區。其中一位朋友建議去食小炒，我們一行三人 去到 門口，已經排滿人龍，等了約三十分鐘終於有枱了，我們點了些小菜，估唔到又確實令人喜出望外！喺店內已經見到貼滿得獎食物，果然沒有令我哋失望，而且價錢都非常大眾化！鹵水鵝片，肉質相當柔軟，肥瘦恰好適中，薄薄嘅皮脂入口便溶化，份量亦相當之大，每件 鹵水鵝片 size 剛好！避風塘大蝦碌，炒得十分乾身，完全沒有油膩的感覺，蝦肉新鮮，避風塘蒜頭香味滲透每吋蝦殼，真的連蝦殼都很入味！例牌盤龍鱔，肉質鮮甜，細骨不算太多，入口清新美味！南乳雞件，粉漿不算太厚，雞件亦嫩滑，濃濃 的南乳味飄香出來！這間小店確實做到以前冬菇亭嘅廚房鑊氣，難怪咁多街坊排隊都要嚟幫襯！