大馬路海鮮酒家 (已結業)

星期日放假，冇野好得過約朋友一起相聚食吓飯傾吓偈，搬咗入南丫島住一年有多，難得有朋友唔介意山長水遠入離島玩，梗係要帶佢食好西啦！知道最近喺大灣南有間新開嘅酒家，就胆粗粗叫佢一齊去試下，餐廳個名超級易記. 即刻諗同澳門嘅大馬路係有咩關係呢…🤔，既然嚟得冇理由唔叫海鮮食！今日上山下海後本身有少少攰！我哋想舒服啲揀咗坐室內有冷氣，地方環境乾淨企理，一行五人，為補祝老朋友生日想食豪啲，我同店員講今晚安排由厨師發辨，只有三味餸係散叫，自己點咗個豉椒炒蜆，金銀蛋莧菜同一隻炸子雞，呢度店員服務真係唔錯，又夠細心，見我哋人唔多，怕我食唔晒！建議我點半隻雞就夠喇，超抵讚呀👍仲主動擺低濕紙巾同蟹鉗全部準備好，咁醒目嘅員工喺島內好少見，等咗一陣我去洗定手準備開餐之際，聽倒朋友大叫嘩…咗一聲！真係不得了，原來首先出埸嘅第一度菜係🦞原隻龍蝦刺身…爽口鮮甜充塞著口腔味蕾，而且肉質非常彈牙，襯埋Wasabi日本豉油一齊食正呀！🦪蒜蓉粉絲蒸扇貝…肥大肉厚蒜蓉粉絲比例啱啱好🦀再上嘅係油鹽焗奄仔蟹…多羔又厚肉，個個好食到唔停口，再嚟酥炸黃金蠔…端上枱時香味十足，炸漿脆薄賣相相當吸引，🐓炸子雞呢個下次必點，皮脆肉嫩滑，估