Niksen Koffie (已結業)

今日男友本身諗住嚟呢個商場食壽x郎，不過等嘅人實在太多，起碼個幾兩個鐘之後先有得食，而我哋兩個都太肚餓，所以就被迫要轉餐廳~ 響個商場行咗一圈之後，見到呢間Cafe又大又靚，一於試吓一向都覺得cafe 多數都係好睇唔好食，不過作為一個鍾意打卡港女，都係會想試吓~ 我哋叫咗個避風塘軟殼蟹炒意粉，牛扒，戚風蛋糕同埋一杯milkshake ~ 其中個牛扒令我超有驚喜，牛肉完全冇筋，肉味好濃，生熟度恰到好處，係必叫之選意粉都炒得好香口，估唔到呢間打卡Cafe嘅食物都相當有質素，唔係淨係得個靚樣~ 總括嚟講呢間餐廳係有姿勢有實際，除咗環境幾好坐之外，食物都好高質，絕對值得一試估唔到黃埔都有呢類咁chill嘅餐廳