長阪燒 (已結業)

同朋友係旺角行行下，發現又有新野開，好近朗豪坊既呢間長阪燒。一黎呢度係新開，二來見過有人打咭話好正，所以黎到就過黎試下。上到去門口好靚，好有日本地道既感覺。 見到周圍有好多自製既梅酒，真係好得意。Lunch set 加錢有小食，所以就追加左芝麻雞翼同章魚燒。 芝麻雞翼唔係成日有，店員都話我地好彩。佢地既和風沙律好新鮮，配埋黑醋，好開胃。而麵豉湯雖冇咩料，但好足味。章魚燒做得剛剛好，入面唔會乾晒，亦唔會好水狀，有少少包子既感覺，好好食而。芝麻雞翼都炸得好到位，唔會太油，都唔肥，味道調得好夠。好有睇頭既神奈川沖浪山海丼，一黎到就見佢個做型氣勢，超型，真係好大隻蝦。冇諗過會有咁多刺身，三文，吞拿，鯛魚，帶子，海膽，魚籽，真係食極都仲有既。仲要真係好新鮮，唔太肥，冇筋位，亦唔會有醋味。刺身御膳都好正，2份都冇咩相同既刺身，真係好正。呢個價錢有咁多咁新鮮既刺身真係好抵。