咖啡亭 (已結業)

一家四口＋女友一齊慶祝媽咪生日，當然唔可以怠慢～ 見到呢間Cafe Express有生日四送一既coupon，就即刻打電話去book了個Receptionist都好nice好有禮貌，仲好好人咁幫我計下用邊張coupon抵D（因為仲有另外一張係二人同行$598既coupon) ，即刻加晒分食物種類都算多，而且樣樣都幾好食! 除番開大概$350蚊一個人絕對係超值!生蠔係任食，仲有得揀係美國定係南非，全部都係即開同埋搵水沖過先俾你，保證乾淨～另外仲有凍蝦翡翠螺龍蝦仔帶子等等都非常新鮮，當然唔少得仲有主打既Alaska長腳蟹～ 除左凍食仲有薑蔥炒的～ 兩樣都好食!魚生方面除左一般種類之外仲有甚少自助餐會有既油甘魚! 抵讚! 而且全部都好新鮮，一定好食過o個D日式放題既刺身～凍肉方面亦都有風乾火腿煙三文魚等等～ 我最欣賞既係意大利薄切生牛肉～ 食左差唔多十塊!熱食方面都有蒸魚，焗羊架，意大利飯，咖喱雞，德國腸，炸墨丸等等～ 全部都係不錯吃的～～仲有大廚幫你整即煮意大利粉，有蝦同魷魚等配菜，個汁都好好食!另外幾特別既係瑞士即燒芝士～ 將D即刻燒溶左既芝士搽落去一塊脆卜卜既餅乾到食～ 勁香濃既芝士味