Lunch搵食都幾傷腦筋 仲要搵間性價比高的餐廳🍴 呢間餐廳唔係連鎖式經營 屬於樓上舖 地理位置唔係好覺眼 有種隱世美食的感覺 內部格局唔錯 全部都係卡位梳化坐 一大班人約食飯傾計係最好的選擇 今次嗌左Lunch set E $48已經有餐湯 蒜蓉包 main course 同甜品啫喱 仲要無加一的 物超所值 雖然餐湯比較淡 但都唔差的 蒜蓉包好香脆 如果一人有兩件就更加滿足 最最最好食的莫過於main course炭燒美國豬排 炭燒得唔錯 肉質鮮嫩夠厚 軟淋淋 仲好juicy 
甜品加左十二蚊升級做法式焦糖燉蛋 不過要留意升級左就會無左原先的啫喱 燉蛋比較普通 同埋唔係即焗的 係焗完再雪果種 而心太軟係唔流心的 只係入面溶溶地 都幾好
