新南苑私房菜火鍋鷄煲 (華僑商業中心) (已搬遷) 新店位置

近年來多咗好多過江龍嘅火鍋店，好多都要提早好多book位或者Walk in排成晚先有得食90分鐘🙈 於是今晚過咗嚟呢間新南苑火鍋雞煲食餐勁嘅，朝頭早book位就已經可以喇～ 入到去感覺上裝修唔係冠冕堂皇，但係呢到係有一種以前中學成班去打邊爐放題嘅感覺～ 係青春嘅味道丫🤣 餐廳係有幾款唔同嘅放題選擇，有抵食餐、牛魔王餐、海鮮餐、至尊餐等，各唔同價錢～ 我同朋友最後決定咗揀海鮮餐，一開波有雞煲半隻，之後會另外想火鍋俾你打邊爐～重點係呢間餐廳俾你任食180分鐘，包你食飽先走人！首先講吓個雞煲先，每幾分鐘炒幾下再冚蓋焗，大約10分鐘就已經食得啦～雞件都幾滑，我哋叫咗小辣味道啱啱好～ 另外餐廳亦都隨雞煲送一碟炸油炸鬼粒俾我哋煮熟個雞煲之後放落去，炸油炸鬼粒給咗雞煲少少汁，識落依然香脆， 呢種食法幾得意！食完個雞煲之後同侍應講聲就可以轉一個火鍋煲喇，呢個餐係跟一個南瓜粟米清湯，亦都可以加錢轉其他湯底～ 我哋呢個海鮮餐係跟一個海鮮拼盤，另外亦都跟一碟本地手切牛頸脊～ 個海鮮拼盤都非常之豐富，按人頭計每人有一隻貴妃蚌， 一隻大蜆，一隻大連鮑魚，一隻巨型嘅鮮蝦，一塊厚切脆肉鯇，一隻鮮蠔！以上嘅海鮮食材