影片
更多
2022-02-03
60 浏览
我個人其實幾鍾意食米線，但對於大型連鎖既果幾間米線就無咩興趣。最近去銅鑼灣揾朋友，見到一間新開既米線【愛上米線】，裝修超級新潮特別之外，食物款式都特別多。一般米線都係自己選擇配料同湯底，其他野大同小異。但有別於一般米線鋪頭，【愛上米線】主打本地口味，而且有飯選擇，朋友想食米線而自己禁岩想食飯都可以滿足。而且有時候一碗米線或者飯唔夠，想加底都要加錢，但佢地可以免費添米線或者飯，完全唔會怕食唔飽。第一次去食，就試左店員推薦既食物。酸菜排骨湯麵：酸菜唔會夾硬整到好酸，淡淡酸味、但好開胃同惹味。D湯又感覺無咩味精，又唔會好油，如果平時食麵鍾意飲埋D湯既完全無負擔！而且D排骨好軟，分量都好多！辣椒炒肉拌米線：辣椒本來以爲係紅色辣椒，原來係辣青椒。佢地係靠食材天然既辣去調味，所以辣味會偏少。不過D肉、青椒同其他配料都好都炒得好香，唔好以爲好似無咩汁會好淡，但完全唔會。乾拌米線係香港都比較少食到。藤椒鷄粒葱油餅：葱油餅似係自製既，非常酥脆！藤椒鷄粒既分量都好多，好香又唔會好油。不過都係覺得辣味偏少。麻辣豬耳：加$18跟餐小食，用餐廳秘製麻辣醬去調配。豬耳爽口而且無豬味，秘製麻辣醬超級無敵香同惹味。不
酸菜排骨湯麵：酸菜唔會夾硬整到好酸，淡淡酸味、但好開胃同惹味。D湯又感覺無咩味精，又唔會好油，如果平時食麵鍾意飲埋D湯既完全無負擔！而且D排骨好軟，分量都好多！
辣椒炒肉拌米線：辣椒本來以爲係紅色辣椒，原來係辣青椒。佢地係靠食材天然既辣去調味，所以辣味會偏少。不過D肉、青椒同其他配料都好都炒得好香，唔好以爲好似無咩汁會好淡，但完全唔會。乾拌米線係香港都比較少食到。
藤椒鷄粒葱油餅：葱油餅似係自製既，非常酥脆！藤椒鷄粒既分量都好多，好香又唔會好油。不過都係覺得辣味偏少。
麻辣豬耳：加$18跟餐小食，用餐廳秘製麻辣醬去調配。豬耳爽口而且無豬味，秘製麻辣醬超級無敵香同惹味。不過個人expect會再辣D。
青瓜薄荷梳打：青瓜薄荷味道既梳打非常refreshing，而且唔會太甜。裏面仲有加冰粉所以口感都好特別！
芒果乳酪梳打：芒果乳酪味既梳打會比起青瓜薄荷味更令人容易接受，仲有D爆醬珠珠，好特別！
可能為左配合香港人口味，所有標明係辣既食物基本上都唔辣。個人覺得係呢方面遜色少少，但其他方面，比如食物quality、味道、食材、環境、服務上我係非常滿意！！有機會會再去！
张贴
