喜喜冰室 (已結業)

喜喜終於來到九龍區啦！喜喜係銅鑼灣好出名，餐廳環境走懷舊路線，食物是走冰室口味。所以是影得又食的既一間餐廳是日午餐來到喜喜懷舊一番，依舊有好幾走茶餐供應，分別是型男、索女同喜喜茶餐，無睇錯，係型男餐、索女餐、喜喜茶餐哈哈！我還是太害羞，我細細聲同侍應講我要個型男餐呀唔該（蔥花炒蛋、芝士牛油扒多士、蘿宋湯牛腩伊麵、飲品）個人唔鐘意食伊麵，所以轉左米粉。多士好好味，脆口鬆軟，食到芝士味之餘又有牛油香，仲係好靚仔烘到金黃色身為包控既我表示好欣賞呢塊多士！炒蛋嫩滑，唔會過鹹又唔漏，加左蔥花令到炒蛋好香。個米粉都可以，但唔知係咪太多米粉太粉湯，變左有啲似撈米粉咁。但個蘿宋湯係幾好味的，起碼食完唔會口乾既感覺。奶茶就一般般啦，有啲漿口、有點澀、所以飲左少少就放棄左。但整體黎講都係非常品錯，午餐又多個選擇