蘭州拉麵小籠包 (已結業)

收工，拿著兩分手信去阿鴻，醒唔起原來星期一休息，於是沿著和富道行，見到拉麵，手，下意識的打開門，腳，下意識的伸入舖。唔洗諗叫左個醺魚麵，小籠包亦是指定動作。見師傅搓著麵粉做麵，應該唔會差得去邊，湯麵上來，麵質還可以，以麵論麵，自然不及荃灣力生下面的蘭州拉麵，畢竟薑還是老的辣，湯用史雲生或是它的親戚開出來，喝一口，便將麵從湯中撿到碗，來個拉麵撈醺魚；而醺魚都是老樣子，酸醋夾著魚腥味，無甚特別。那個小籠包，皮真的薄得很，湯汁亦夠多，但有咩用？筷子還未合實，皮已穿，來，再接再勵，用庚再試，手起庚落，起手的一下，爆汁場面再現，心中暗咒：「@$%@#」，結果，4連敗,慘過買車仔。在庚中嚐口餘汁，還可以，就是不夠鮮，肉實，味道一般。吃慣不怪，年中出現唔少類似場面，反正小籠包不過是配角，做得好是bouns，做得差，亦唔係損失。