心裡有素 (已結業)

心裡有素 (油麻地)店名的心思顯然易見。即將結業的素食自助餐，雖然4月25日就會結業但仍然想講一講佢嘅善心，每日都會將所有食唔完嘅飯菜裝盒再去到有需要嘅地方派飯。食物有涼盤、小食、飯麵、沙律🥗、湯、甜品……店舖細小，食物種類比較局限。但欣賞炸物做到粉漿好薄脆，炸秋葵同茄子都好有驚喜。豆腐好香豆味又滑，茶葉蛋好大隻，蛋白好滑身，唔似雞蛋，覺得應該係鴨蛋。睇得出店主對食物有要求，最所賞佢嘅15年陳皮茶，飲落甘苦但好順喉，仲可以化痰，好健康！最後個榴槤雪糕更加係令人留下深刻印象，榴槤香濃，老闆話係自己整果肉同奶比例高到4:1。