見見面 (亞皆老街) (已結業)

朋友梗係得閒見下面, 見見面就要打下邊爐先。係旺角朗豪坊附近開咗間食四川菜, 加四川火鍋🍲🥢嘅樓上舖, 一樓係食四川菜, 二樓係打邊爐, 打邊爐仲要係任食放題, 都係$238, 新張期間仲要有八折(17:00-00:00入座), 中午時間食, 仲有六折添! 餐廳座位闊落, 裝修得好有心思, 全部裝修都好中國風, 而且仲有好多卡位, 整體感覺好好, 而且好燈光明亮, 坐得很舒服! 打邊爐梗係要湯底正啦 湯底除咗有正宗重慶麻辣湯之外, 仲有蕃茄玉米湯, 養生藥膳湯, 芫茜皮蛋湯, 椰子雞湯, 秘製沙嗲湯 , 你仲可以加$50要鴛鴦鍋! 我哋選擇咗鴛鴦鍋, 麻辣拼番茄玉米湯! 😋 麻辣叫咗小辣, 辣🌶️味比預期中辣, 帶點麻香, 番茄🌽🍅玉米湯較為清甜, 正! 👍🏻👍🏻120分鐘任食任飲, 仲有好多不同種類嘅飲品🍺🥤🍹, 啤酒比你選擇。 牛肉都有四款靚牛比你選擇, 有安格斯牛小扒, 特級牛板腱, 頂級牛梅花肉, 特級封門柳! 淨係食靚牛肉都唔止呢個價錢, 何況係任食! 👍🏻👍🏻👍🏻 四款牛肉都好香牛肉味, 絕非平價貨, 真係大足滿。除咗牛肉之外, 仲有豚肉, 海鮮包括有蝦, 蜆, 青口, 白