影片
更多
2011-10-01
97 浏览
話說有位老友話要入黎將軍澳搵我食扒（坑口村村口果間呢～）咁岩細佬今日放工返屋企時係村口收到一張傳單, 咦？果間野好似有扒食咖喎,於是乎就同朋友提議, 不如試下間新野丫？ 呢間, 就係o係坑口村第三排, 偏偏辟辟既DAVINCI COOK。第一時間由屋企行出去問下收左爐未先,因為都已經9點45分啦, 好驚叫左個朋友黎但佢收左, 丫點知仲接受Order, 出返村口接埋朋友仔,開左張Table for two就準備開餐啦 首先上左個餐包, 咦喂, 有支野係隔離, 唔知點用喎, 同個fd你眼望我眼左一陣,唯有叫waiter 教我地點食啦, 順帶一提, 呢到係得一個女Staff識講中文, 其他都係外國人黎,佢用最簡單既英文教我地點食...原來係將提子醋同橄欖油倒落碟再點黎食既,呢個係一個意大利人既食法, 真係估唔到又學到野啦 唔講個汁, 佢個包本身趣趣地幾好味咖第二樣上既就係一份焗薯皮, 講真我開頭以為係好細既, 點知佢一份有5件(2個半薯仔),仲要每一件既料都有d 唔同, 我就食左三舊, 分別係Pizza料, wasabi料(唔辣既), 同埋橄欖料,而朋友食果兩件我就無問清楚啦, 因為太好味,
咁岩細佬今日放工返屋企時係村口收到一張傳單, 咦？果間野好似有扒食咖喎,
於是乎就同朋友提議, 不如試下間新野丫？
呢間, 就係o係坑口村第三排, 偏偏辟辟既DAVINCI COOK。
第一時間由屋企行出去問下收左爐未先,因為都已經9點45分啦,
好驚叫左個朋友黎但佢收左, 丫點知仲接受Order, 出返村口接埋朋友仔,
開左張Table for two就準備開餐啦
首先上左個餐包, 咦喂, 有支野係隔離, 唔知點用喎, 同個fd你眼望我眼左一陣,
唯有叫waiter 教我地點食啦, 順帶一提, 呢到係得一個女Staff識講中文, 其他都係外國人黎,
佢用最簡單既英文教我地點食...原來係將提子醋同橄欖油倒落碟再點黎食既,
呢個係一個意大利人既食法, 真係估唔到又學到野啦
唔講個汁, 佢個包本身趣趣地幾好味咖
第二樣上既就係一份焗薯皮, 講真我開頭以為係好細既, 點知佢一份有5件(2個半薯仔),
仲要每一件既料都有d 唔同, 我就食左三舊, 分別係Pizza料, wasabi料(唔辣既), 同埋橄欖料,
而朋友食果兩件我就無問清楚啦, 因為太好味, 唔得閒理佢, haha
薯蓉既中間其實有好少量既伴碟菜, 千其唔好執輸呀!
第三樣再上既係主菜, 朋友叫既rib eye, 本來我唔打算食, 但係朋友又叫我分少少,
咁就上馬啦 (其實我開餐前已經食左晚飯...), 塊牛扒係靚野黎, 扒味十足之餘仲要無雪藏味,
而且非常之易食, 唔似出面食過同樣幾百蚊, 但係咬足十年似橡皮既扒...
扒本身個底仲有一層非常非常非常Creame 既薯蓉, 完全無諗過呢一件事! 食落去就知佢係用忌廉黎打既,
非常滑口 , 其他配菜我就唔多講啦, 不過可以話你聽, 全部都係新鮮野黎!
其實係扒未黎之前朋友已經點多一個pasta , 店員好親切咁問我地想同扒一齊上還是食完扒先上,
呢種服務方式, 我對上一次係o係澳洲既扒房所受到, 估唔到呢間小店竟然會做到咁親切既地步,
因為我估店員都知道我地其實飽飽地
pasta呢我就唔係食左好多, 因為食開港式野, 鍾意軟身, 佢係比較硬身既, 朋友話呢d 叫正宗喎, 我就唔識欣賞啦~
不過佢個汁又的確較得幾好味~
好啦, 埋單, 500幾蚊, 一份焗薯, 一份rib eye(佢係好大塊下咖), 一個pasta, 三杯Stella(佢做特價30蚊一杯),
除返開每人250蚊, 你話係咪貴, 我就覺得一d 都唔貴既, 因為好耐無食過咁有水準既西餐,
講返同村既la pizza同埋扒房, 呢個埋單價分分鐘都只可以食到一人份量, 而今晚呢500幾蚊,
我同朋友係飽到上心口咁走, 你話抵唔抵?
不過, 雖然我係狂讚, 但係有一樣野都係要彈下既, 就係......點解無甜品既呢?
如果我無記錯個meun 既話, 入面都好似係無甜品呢個section, 如果有埋既話, 真係100分!
ps: 而家間鋪都仲未係咁多人, 我建議鍾意食意大利菜, 牛扒之類既朋友快d 去試啦~~
张贴
