瀛喜日本料理 (已結業)

今次同朋友去左荃灣食放題，因為我唔系好熟荃灣區，所以地點係朋友揀嘅。一入到去，環境都唔錯，地方唔算好大，但設施幾齊全。 唔少得既飲品櫃、甜品櫃果d都係中心位，夠哂方便同自助。 服務員帶左我地去卡位坐低之後，我地兩隻餓鬼就瘋狂落單哈哈，有名你叫喂食仔麻！刺身當然係放題既重點之一！ 雖然唔係好夠凍，但都算新鮮又款式多。 今次二人同行竟然送左一板海膽 ，之前試過係其他放題食過臭既海膽><搞到我今次食既時候都戰戰兢兢咁，點知都幾唔錯喎！軟綿綿中帶點鮮甜，半溶於口中又帶點回甘嘅甜。至於壽司方面，因為怕飽肚既關係，我地唔係叫左好多。其中花之戀同醬燒三文魚腩壽司最得我心。入口溶化，三文魚入口充滿魚油香，配以醬燒味道特別，亦都好爽，成舊放入口會有很幸福既感覺。 除左傳統壽司，仲有創新既選擇畀你揀，感覺幾特別，鍾意試新野既朋友可以試下。炸物方面，吉列廣島蠔同芝士年糕系我既重點。炸蠔唔腥，仲幾juicy,食既時候要小心唔好燙傷個嘴。 芝士年糕d餡都算幾多，都幾煙韌，即使放凍左都冇變硬，係小妹嘅至愛。 燒焗精選唔可以唔提個羊架，厚身得泥都幾多汁，又唔會覺得韌，食肉獸朋友可以叫呢！