GoodDay BadDay MamaDay (已結業)

Menu名好特別，叫左兩個意粉都算好快到，同埋好夠熱，份量&賣相合理，但太多蒜，同埋唔值咁貴。-員工服務唔掂，上餐唔講嘢，唔會講下係咩嚟/xx意粉係邊位。執碟又唔講嘢，就咁喺後面無啦啦伸隻手出嚟拎走隻碟，唔會講「唔好意思呢個幫你收一收」。到埋單又唔講嘢，短髮女擺低張單就走去第二度，但我地想比Apple Pay。到走人，經過隔離棟喺度嘅男職員，唔會講「多謝晒拜拜下次見」。笑容就更加冇，但我地成餐飯都同員工講左幾次唔該。-仲要收+1，但咁嘅服務。