影片
更多
2020-12-10
169 浏览
前陣子去咗位於荃灣海之戀嘅日本超市掃貨，行咗幾分鐘已經被主題歌洗腦，滿腦子不停「噹！噹！噹！噹key」，真係出咗門口都忍唔住繼續哼，勁過鬍鬚佬嘅歪UU。滿載而歸之後就去醫肚，呢一間《鼎家喜筷》，由鼎爺加持，大大個Q版嘅鼎爺 logo 一定唔會唔認得，餐廳走高級茶餐廳路線，主打燒味、新派菜式以及特飲。《招牌溫泉蛋四寶飯》，有別於燒味店啲四寶飯，鹹蛋用比較健康嘅溫泉蛋代替，溫泉蛋漿用嚟撈飯， 加埋少少燒味醬油，非常美味。柑橘燒鵝係呢度嘅招牌，燒鵝肥瘦適中，外皮充滿炭香，點埋自家調配嘅柑橘酸甜汁，一解鵝的滯膩感。半肥瘦的叉燒肉嫩多汁，絕不會被燒鵝比下去。腩仔皮夠脆肉嫩，宜配溫泉蛋飯同吃。《涼拌麻辣蒜香手撕貴妃雞撈丁》，未食已經感受到麻辣香氣，撈丁加入咗花椒，食起嚟麻麻痺痺相當刺激，而且仲加埋炸蒜同生蒜，味道一流。手撕雞肉嫩滑，麵條烹調嘅時間拿捏得剛剛好，麵質彈牙。沙律，兩個餐都有跟餐嘅沙律，沙律用料新鮮，最令人冷不提防嘅係廚師除咗基本嘅柚子汁之外，竟然用上咗海鮮醬嘅做調味，食咁耐沙律第一次夾海鮮醬，相當大膽創新。《爆脆金沙魚皮》，黃金魚皮即叫即炸，非常新鮮，上枱嘅時候仲係熱辣辣，咬落脆卜卜，
滿載而歸之後就去醫肚，呢一間《鼎家喜筷》，由鼎爺加持，大大個Q版嘅鼎爺 logo 一定唔會唔認得，餐廳走高級茶餐廳路線，主打燒味、新派菜式以及特飲。
《招牌溫泉蛋四寶飯》，有別於燒味店啲四寶飯，鹹蛋用比較健康嘅溫泉蛋代替，溫泉蛋漿用嚟撈飯， 加埋少少燒味醬油，非常美味。柑橘燒鵝係呢度嘅招牌，燒鵝肥瘦適中，外皮充滿炭香，點埋自家調配嘅柑橘酸甜汁，一解鵝的滯膩感。半肥瘦的叉燒肉嫩多汁，絕不會被燒鵝比下去。腩仔皮夠脆肉嫩，宜配溫泉蛋飯同吃。
《涼拌麻辣蒜香手撕貴妃雞撈丁》，未食已經感受到麻辣香氣，撈丁加入咗花椒，食起嚟麻麻痺痺相當刺激，而且仲加埋炸蒜同生蒜，味道一流。手撕雞肉嫩滑，麵條烹調嘅時間拿捏得剛剛好，麵質彈牙。
沙律，兩個餐都有跟餐嘅沙律，沙律用料新鮮，最令人冷不提防嘅係廚師除咗基本嘅柚子汁之外，竟然用上咗海鮮醬嘅做調味，食咁耐沙律第一次夾海鮮醬，相當大膽創新。
《爆脆金沙魚皮》，黃金魚皮即叫即炸，非常新鮮，上枱嘅時候仲係熱辣辣，咬落脆卜卜，加上牛油同咸蛋黃，味道之香濃令人欲罷不能。
《鵪鶉蛋燒賣$》，鵪鶉蛋係本人嘅童年回憶，燒賣豬肉肥瘦適中，即叫即蒸，係大人細路嘅至愛。
《柚子乳酸沙冰》，餐廳亦提供咗好多款特色飲品，呢個柚子乳酸沙冰單係睇賣相已經100分，柚子蜜加上益力多，開胃又醒神。
《凍薄荷檸檬蝶豆花》，呢款特飲打卡一流，蝶豆花天然嘅藍色，加上酸性嘅檸檬汁就會變成夢幻嘅紫色，由於加入咗薄荷葉，飲起上嚟非常之清新爽口。
最後叫了《北海道5.0牛奶雪糕》 作甜品，北海道牛奶嘅奶味濃郁，雪糕亦都非常之香滑，為今晚嘅晚餐完美作結。
步出餐廳時腦袋又出現「噹、噹、噹！」真是 Oh. My. God.
张贴
