影片
更多
2024-03-22
35 浏览
姨甥女辛苦左一排閉關溫書，今日終於考完呈分試，姨姨梗係要帶姨甥女去慶祝一下，一於大吃大喝，但係因為聽日佢仲要返學，佢阿媽唔想佢玩得太夜。諗左好耐有咩又近又啱佢食，而且佢又會食得開心呢，就揀左尼間「串燒屋」。 尼間放左係我想食list 入面一段時間架喇，今次就自肥一下，因為佢既串燒爐係可以令串燒自己轉架，好治癒🤤鋪頭唔大，但都坐得好舒服，電子自己落單，食物分串燒類、網燒類及炸物類，有好多野揀，出面仲有2個大雪櫃，一個係蔬菜生果啫喱（有🍍菠蘿燒呀，正呀！），一個係飲品櫃，仲有牛奶公司雪糕。食咩飲咩完全由姨甥自己決定，佢雙眼發晒光。哈！一口牛、牛肩肉、牛西冷、牛舌、豬頸肉、雞腿肉、雞翼、芝士獅子狗、豆卜、蛋卷、炸蝦、可樂餅、菠蘿都好好味，其實都仲燒蠔同燒青口嗌，可惜我姨甥女唔係好食海鮮。野食既味道已經好夠，可以唔點醬汁食，但如果自己想調味一下，我見有鹽、孜然粉、辣椒粉、醬油汁揀。最後，姨甥女仲燒埋棉花糖，食埋啫喱同埋雪糕，超級滿足。平日大人只係$248, 小童$148 ，仲可以食2.5個鐘，超抵食！！其實我姨甥女作戰能力仲高過我😏 好開心今日揀啱地方。姊見任飲有罐裝啤酒🍺架，好啱一班朋友食好
姨甥女辛苦左一排閉關溫書，今日終於考完呈分試，姨姨梗係要帶姨甥女去慶祝一下，一於大吃大喝，但係因為聽日佢仲要返學，佢阿媽唔想佢玩得太夜。諗左好耐有咩又近又啱佢食，而且佢又會食得開心呢，就揀左尼間「串燒屋」。 尼間放左係我想食list 入面一段時間架喇，今次就自肥一下，因為佢既串燒爐係可以令串燒自己轉架，好治癒🤤
鋪頭唔大，但都坐得好舒服，電子自己落單，食物分串燒類、網燒類及炸物類，有好多野揀，出面仲有2個大雪櫃，一個係蔬菜生果啫喱（有🍍菠蘿燒呀，正呀！），一個係飲品櫃，仲有牛奶公司雪糕。食咩飲咩完全由姨甥自己決定，佢雙眼發晒光。哈！
一口牛、牛肩肉、牛西冷、牛舌、豬頸肉、雞腿肉、雞翼、芝士獅子狗、豆卜、蛋卷、炸蝦、可樂餅、菠蘿都好好味，其實都仲燒蠔同燒青口嗌，可惜我姨甥女唔係好食海鮮。野食既味道已經好夠，可以唔點醬汁食，但如果自己想調味一下，我見有鹽、孜然粉、辣椒粉、醬油汁揀。最後，姨甥女仲燒埋棉花糖，食埋啫喱同埋雪糕，超級滿足。
平日大人只係$248, 小童$148 ，仲可以食2.5個鐘，超抵食！！其實我姨甥女作戰能力仲高過我😏 好開心今日揀啱地方。姊見任飲有罐裝啤酒🍺架，好啱一班朋友食好野吹下水，觀塘又放便大家夜晚坐車。
📍串燒屋 (觀塘)
觀塘通明街54號地舖
张贴
