火水爐冰室火鍋

营业中

休息中

係香港行懷舊路線嘅餐廳越嚟越多，今次去咗煙廠街打邊爐，係任食任飲汽水所以啱我嚟，唔會 over budget。先食個鮑魚雞煲，飽魚好腍，夠晒惹味，但可惜無得添加。湯底嗌咗唔洗加錢嘅香茜皮蛋湯，如果要 fancy d 嘅湯底就加幾十蚊。仲有海鮮拼盤非常豐富，帆立貝、脆鯇片、廣島蠔、蝦、花甲。呢個都係無得添加嘅。美國安格斯牛同西班牙黑毛豬呢啲打邊爐必備嘅就當然唔少得。丸類反而有好多選擇有驚喜，有陳皮魚蛋、粟米貢丸、龍蝦沙拉丸同爆漿魚丸等等，夠晒脹爆。仲有蔬菜、粉麵同其他火鍋配料，一定飽到上心口。最後餐廳仲驚死你唔飽，俾咗一盤紅豆椰果涼粉冰，好有心呀！