壹級日本料理 (已結業)

無飯夫妻又出動喇，今晚揀咗大圍，呢區出名美食多，今次行遠少少，去咗美林邨個美食亭食日本菜。平日夜晚入到去無乜人，我哋揀咗張卡位坐，攞個餐牌睇，簡簡單單叫咗兩個套餐，包括有前菜，麵豉湯，加州卷兩件，主菜和甜品。另再叫咗客三文魚刺身。前菜和麵豉湯無乜驚喜，反而加州卷加咗少少沙律醬，好惹味。我叫咗壹級丼飯套餐$98賣相吸引，蟹羔和海膽好鲜甜，好好味。我老公叫咗蒲燒鰻魚飯套餐$80略嫌鰻魚份量少，又冇乜鰻魚汁，唔特別好食。三文魚刺身$48都算新鮮，抵食。加埋甜品(雪米糍)，一頓美味晚餐啱啱好。