名館 (黃埔天地) (已結業)

两个人想食啲小菜就嚟咗呢度，贪佢多款式，叫咗5个𩠌样样有啲以为差唔多，点知饱到反艇依家啲天气成日都想饮啖汤，私房金黄球泡饭（HKD68）就啱晒，有少少饭焦口感唔错。最正系汤清甜又多蔬菜。小菜就拣咗蜂蜜柚子虾球（HKD78），虾肉爽口又唔会有肥膏。特别嘅系柚子酱有青柠味中和返，冇咁甜添。和麻酱鸡丝粉皮（HKD58）个酱有啲辣都唔错，最钟意佢有大大把花生碎，好足料。粉皮有啲似薯粉，几挂汁添。蔬菜系必需食嘅，金银蒜蒸胜瓜金菇（HKD58）有蒸扇贝咁嘅大堆蒜蓉提味，重口味得嚟又清清哋。黑金流沙包（HKD48）作为甜品嚟讲好饱肚，但佢嘅流沙真系好出色，就算摆耐咗都一样流得到㗎！唔怪得呢个系招牌甜品呀！埋单觉得贵咗少少，因为叫多咗，呢度够3个人食啰。