影片
更多
2012-10-22
31 浏览
由炮台山地鐵站走上地面, 覓食開始!沿電氣道向北角方向前行, 直到電氣道市政街市橋橋底, 方才發現橋底那條短短的窄巷, 原來是有名有姓 她的名字叫「福元街」。 「福元街」... 「福元街」... 腦袋忽然靈光一閃 ... 「福元街」同「福元湯圓」有關係嗎? 就係呢個原因, 我地就決定走入去, 行到街中間 ......係妳啦~ 想食好耐嘅「爆漿湯圓」原來鋪頭幾窄, 只係放咗唔記得4定6張四人枱, 前方電視機就不斷播住內地戲劇, 電視機旁有一塊白板, 白板上有名人簽名, 千萬別睇小呢條窄巷, 呢道窄鋪, 有麝自然香~牆上介紹生磨杏仁茶, 不過嚟福元唔食湯圓就浪費, 所以杏仁茶加湯圓 $18+$7(湯圓3粒) = $25杏仁茶入口淡淡, 甜味少反而更顯現出杏仁的香味, 不過可以放心的是杏仁香氣是沒有杏霜的那種誇張桂花酒釀湯圓 $22 ... 滿口歡喜地喝一口糖水, 淡茂茂嘅 聞到桂花香但酒釀嘅酸甜呢??? 好唔開心咁咬粒湯圓嘅一角為影相, 芝麻蓉確實洶湧而出 嘟嘴吸一啖芝麻蓉, 發覺都唔係其他食評講到咁油膩啫~ 芝麻蓉都唔夠香啫~ 熊爸提議下粒開始「原粒啪」 ...... 好! 即管
沿電氣道向北角方向前行, 直到電氣道市政街市橋橋底, 方才發現橋底那條短短的窄巷, 原來是有名有姓 她的名字叫「福元街」。 「福元街」... 「福元街」... 腦袋忽然靈光一閃 ... 「福元街」同「福元湯圓」有關係嗎? 就係呢個原因, 我地就決定走入去, 行到街中間 ......
係妳啦~ 想食好耐嘅「爆漿湯圓」
原來鋪頭幾窄, 只係放咗唔記得4定6張四人枱, 前方電視機就不斷播住內地戲劇, 電視機旁有一塊白板, 白板上有名人簽名, 千萬別睇小呢條窄巷, 呢道窄鋪, 有麝自然香~
牆上介紹生磨杏仁茶, 不過嚟福元唔食湯圓就浪費, 所以杏仁茶加湯圓 $18+$7(湯圓3粒) = $25杏仁茶入口淡淡, 甜味少反而更顯現出杏仁的香味, 不過可以放心的是杏仁香氣是沒有杏霜的那種誇張
桂花酒釀湯圓 $22 ... 滿口歡喜地喝一口糖水, 淡茂茂嘅 聞到桂花香但酒釀嘅酸甜呢??? 好唔開心咁咬粒湯圓嘅一角為影相, 芝麻蓉確實洶湧而出 嘟嘴吸一啖芝麻蓉, 發覺都唔係其他食評講到咁油膩啫~ 芝麻蓉都唔夠香啫~ 熊爸提議下粒開始「原粒啪」 ...... 好! 即管試吓 ...... (啪~)
上下兩層牙齒一同往同一方向擠 ... (噢 ~~) 芝麻蓉爆到滿口都係, 第一個味感係好濃嘅芝麻果仁味, 普通甜, 隨之而來就是豬油的膩滯感, 湯圓皮是軟中帶Q。 吞掉後便拿拿林喝啖糖水, 咦!!?? 出奇地飲到酒釀的微微酸甜, 兼且減輕了膩滯感
原來啪(湯)丸係咁過癮
题外话/补充资料：
味道：3.8 (始終都會膩滯)
環境：3
服務：3
衛生：4
抵食：4
(以上食记乃用户个人意见 , 并不代表OpenRice之观点。)
张贴
