芝加哥串燒酒場 (太和中心)

上次係太和做完野係附近食肆食過一餐後，對呢個地方有強烈既好感，因為呢到食肆數目真係好多，而且各有特式，基本上一個星期七日都可以食到唔同菜式餐廳。今日又係太和中心附近，當然唔可以錯過食好野既機會啦，上次食完野之後留意左一間酒吧，呢間酒吧除左有酒飲之外，仲有即叫即燒串燒供應，坦白講真係好少見。芝加哥串燒酒場就係今次我選擇既地方坐低第一件事當然要嘆返杯啤酒先啦，收工HAPPY HOUR指定動作 之後就開始睇下餐牌啦，同大家介紹返酒吧除左串燒外，仲有飯，烏冬拉麵等等，另外酒吧亦有酒精放題，鐘意豪飲既朋友絕對唔可以錯過。我今次就食串燒同飲啤酒，主餐牌有機會再試 串燒款式真係好多，真係花多眼亂玉子燒（上）：外層焦香，內層軟軟甜甜，口感一流燒宮崎去骨雞腿（左下）:雞皮極到香脆但雞肉卻好嫩，好好味仲要啖啖肉水牛城燒雞翼（右下）: 雞皮同樣香脆，辣辣地好惹味芝士牛肉漢堡（中下）:漢堡肉質軟硬適中，切開漢堡中間流出芝士，好味好邪惡蜜糖雞翼（左）: 雞皮都係咁香脆，蜜糖味亦非常出眾燒大啡菇（中上）:非常推薦，燒過既大啡菇絕對唔會又乾又柴，配上蛋汁同少量煙肉非常好食燒羊架（右）: 火候掌握得五成熟剛剛好，咬落