影片
更多
2016-02-27
691 浏览
朋友K新年後喺美國學成歸來，三五知己當然急不及待出黎敘舊敘舊啦！想靜靜地吹下水、食啲嘢、飲杯酒，我地最後揀咗喺大埔嘅德意時啤酒坊 Das Bier，一次過滿足三個願望！太和火車站行過去大概10分鐘路程，舖頭位置唔太顯眼，但唔難搵。雖然舖面唔大，但唔會話好逼。歐陸小店嘅裝修擺設加埋音樂，幾chill！餐牌一目了然，除咗多國菜，仲有唔同牌子啤酒。啤啤佢！Oyster Platter戴一戴頭盔先，其實我本身唔太鍾意食生蠔…不過，對我呢類唔識食生蠔嘅人黎講，呢隻生蠔真係算好易入口，海水味重，冇腥味。Baked French Fries with Onion Cheese記得襯熱食！哇，一上枱見到熱辣辣、溶溶地嘅芝士已經流晒口水！後尾攤凍咗，口感真係爭好遠…所以記得，襯！熱！食！Spanish Platter稍鹹，但呢個應該係所有西班牙火腿嘅特色黎啦？！夾少少芝士同蜜糖，個味道即刻balance晒。Super Sausage Platter食德國嘢，當然唔少得香腸拼盤！隻隻腸仔各有特色，個人最愛最長嗰隻腸，外脆內軟，好juicy，搭少少酸椰菜，點少少茄汁，正！German Pork Knuckl
朋友K新年後喺美國學成歸來，三五知己當然急不及待出黎敘舊敘舊啦！想靜靜地吹下水、食啲嘢、飲杯酒，我地最後揀咗喺大埔嘅德意時啤酒坊 Das Bier，一次過滿足三個願望！
太和火車站行過去大概10分鐘路程，舖頭位置唔太顯眼，但唔難搵。
雖然舖面唔大，但唔會話好逼。歐陸小店嘅裝修擺設加埋音樂，幾chill！餐牌一目了然，除咗多國菜，仲有唔同牌子啤酒。
啤啤佢！
Oyster Platter戴一戴頭盔先，其實我本身唔太鍾意食生蠔…不過，對我呢類唔識食生蠔嘅人黎講，呢隻生蠔真係算好易入口，海水味重，冇腥味。
Baked French Fries with Onion Cheese記得襯熱食！哇，一上枱見到熱辣辣、溶溶地嘅芝士已經流晒口水！後尾攤凍咗，口感真係爭好遠…所以記得，襯！熱！食！
Spanish Platter稍鹹，但呢個應該係所有西班牙火腿嘅特色黎啦？！夾少少芝士同蜜糖，個味道即刻balance晒。
Super Sausage Platter食德國嘢，當然唔少得香腸拼盤！隻隻腸仔各有特色，個人最愛最長嗰隻腸，外脆內軟，好juicy，搭少少酸椰菜，點少少茄汁，正！
German Pork Knuckle with Sauerkraut & Potato Salad成晚最期待嘅豬手出現了！肉質嫩滑，亦唔會話好鹹。外皮好薄好脆，真係食到「咔咔」聲！唯一一個小挑剔係外皮稍為硬咗啲啲咁多，但仍然無阻呢個係必食之選！
张贴
