聰嫂私房甜品 (已搬遷) 新店位置

今日一大班朋友去完跑馬地馬場的啤酒節之後, 我地的慣性節目就係去食甜品, 今次揀左去聰嫂私房甜品, 我之前未食過, 但聽過我好多朋友盛讚過,之前打算同男朋友來試, 可惜佢咁o岩病左, 食唔到固體食物, 所以無試到...我都好期待今次來試下...我揀左好耐都唔知揀邊樣好, 其實佢地的款式都好多, 結果我揀左佢地最出名的龍眼椰果冰, 咁其他朋友揀左蜜瓜豆腐冰(好似係叫"冰", 我試左...好好味, 好重蜜瓜味, 而且好鍾意佢地的冰, 感覺好得意, 好似食cream咁...賣相都好吸引...), 龍眼椰果豆腐, 芒果西米露等等....我自己的龍眼椰果冰, 真係好好味, 朋友仔真係無介紹錯, 好正...而且我牙齒敏感都唔覺得太凍, 唔係我地食開的沙冰, 刨冰...highly recommanded....呢間的環境幾好, 不過好似細左少少, 但坐得舒服的, waiter都好有禮貌, 我揀左好耐, 佢都無唔耐煩...食物出得都好快, 價錢都大眾化, 唔會因為出名而好貴...整體感覺好好....