啤啤Bear韓國包車

营业中

休息中

餐厅位于诺士佛台8楼，一出䢂已经见到好大只Bear，好吸引眼球。内里以游戏中心设计，虽然蓝球机／游戏机全部唔玩得，但话题十足，打咭一流。餐厅阔落，唔会太嘈，好啱几个朋友吹下水，或者情侣拍拖。落单自己扫QR code. Menu 设计都配合返主题，而且分类清晰，一目了然。我地两个人点左蟹籽海鲜蛋卷，White 炸鸡配脆脆薯格，韩式海螺拌面。蛋卷好巨型，蟹籽分量超多，薄薄蛋皮包住丰富既海鲜粒粒，配上调味刚好既酱汁，好正。炸鸡即叫即做，炸浆好薄，做到皮脆肉嫩，大小刚好，啖啖肉而且好juicy. 但洋葱忌廉汁存在感就低左少少，通常饮啤酒配浓味野会正啲。薯格一般，好脆身但食唔到中间薯仔软绵既质地。拌面酸酸甜甜，海螺爽口弹牙，面质系水冷面𠮶种，好烟韧Q弹。夏天必食。野食每样百零蚊，份量大，share 黎食就perfect，加上位置方便，环境好，会下次再黎。