影片
更多
2014-10-12
485 浏览
靚女既朋友係九龍東皇冠假日酒店既員工, 話帶我地去一樓"尚廚"試食dinner buffet, 今期既主題仲要係"德國啤酒節"喎 ……係外面食一餐德國菜唔平，閒閒地几舊水架！今次可以任飲啤酒，任食德國腸，機會難逢，豈容錯過呢！約定左靚女密友係將軍澳地鐵站C出口等，行過去酒店，相當快捷方便！餐廳佈置雅緻新穎，座倚非常舒適！食物種類唔多，味道唔算差，以試食價來算, 會比較抵囉！因為啤酒任飲，要另外加98蚊位架！刺身有4款魚 , 我獨愛三文魚，肥厚新鮮。壽司亦有多款，飯唔實，唔錯架！沙律菜、青露筍，新鮮爽脆。三款前菜 : 銀魚仔、螺肉、海帶等好好食！生蠔帶點苦澀味。長腳蟹既腳肉鮮甜味美 ！勁鐘意個德國豬脾 ，師傅切左一片俾我，嘩 ……肉質超嫩滑啊，還輕微帶點咸香！加上蜜糖燒汁食，更豐腴香口！德國脆皮腸 共四款，包括血腸、咖喱腸、螺旋腸及羊肉晹，每樣切一件食，件件差不多味道。腸皮唔夠脆，羊肉唔夠羶，豬肉味濃郁搭夠！混入左香草既腸加埋片豬脾肉，簡直係下酒妙品！可惜我酒精敏感唔飲得喇！聽靚女密友話，d酒冰凍易入口，清爽順喉，夠暢快！其他熱盤屬中規中柜，炸魚塊 ，夠酥脆。香煎魚柳，
餐廳佈置雅緻新穎，座倚非常舒適！食物種類唔多，味道唔算差，以試食價來算, 會比較抵囉！因為啤酒任飲，要另外加98蚊位架！
刺身有4款魚 , 我獨愛三文魚，肥厚新鮮。壽司亦有多款，飯唔實，唔錯架！沙律菜、青露筍，新鮮爽脆。三款前菜 : 銀魚仔、螺肉、海帶等好好食！生蠔帶點苦澀味。長腳蟹既腳肉鮮甜味美 ！
勁鐘意個德國豬脾 ，師傅切左一片俾我，嘩 ……肉質超嫩滑啊，還輕微帶點咸香！加上蜜糖燒汁食，更豐腴香口！德國脆皮腸 共四款，包括血腸、咖喱腸、螺旋腸及羊肉晹，每樣切一件食，件件差不多味道。腸皮唔夠脆，羊肉唔夠羶，豬肉味濃郁搭夠！混入左香草既腸加埋片豬脾肉，簡直係下酒妙品！可惜我酒精敏感唔飲得喇！聽靚女密友話，d酒冰凍易入口，清爽順喉，夠暢快！
其他熱盤屬中規中柜，炸魚塊 ，夠酥脆。香煎魚柳，魚肉滑溜。芝士南瓜饀餅，芝士creamy，南瓜甜甜地，唔錯。肉批燒紅菜頭，似火腿肉片。炸薄牛仔扒，有些少似吉列豬扒，因為牛肉味唔夠！豬頸肉，肉質幼嫩。燉烏雞螺頭湯 ，材料夠，勁滋補！清蒸帶子豆腐 ，帶子爽彈，豆腐滑嘟嘟。咸肉酥 ，勁酥香牛油味，連食三件！
甜品蛋糕算唔少，較特色既有沙翁，外型呈薯棒型，要點上雲呢拿糖食，口感一般無特別。肉桂金寶撻，肉桂甜甜地，包上酥皮後中和左，几有飽肚感，食一件夠！蘋果卷，太甜太膩！合桃蛋糕 ，合桃粒粒多，好有咬感，忍唔住再添食！朱古力慕絲蛋糕，幼滑濃郁！黑森林蛋糕 ,最差勁，蛋糕太實！芝士蛋糕，芝士濃滑。合桃酥、甜圓酥餅、長形酥餅 ，牛油味香，餅夠鬆脆，好快清哂，想再攞都無！糯米糍雪糕 有香芋、芝麻綠茶及草莓味，最正係香芋味！H記雪糕 有士多啤梨、雲呢拿、曲奇雲呢拿味。生果: 西瓜一d都唔甜。菠蘿夠香甜。哈蜜瓜好清甜。
侍應生主動兼勤快，服務良好！大家食得好輕鬆愉快！謝謝邀請！
张贴
