臨記車仔麵 (已結業)

去咗身體檢查，咁順便喺藍田嘅啟田商場搵嘢食，呢個商場都比較舊應該好多街坊喺度，搵嚟搵去唔同嘅餐廳 ，見到呢間臨記都幾多人食，係食香港傳統車仔麵 ， 咁就試吓啦。好鍾意食豬紅嘅我，叫咗一碗韭菜朱紅豬腸 28$。不過佢哋嘅朱紅嘅味道唔算太好味。反而車仔麵比較好食，車仔麵我叫咗超大一碗，揀咗好多款菜，其中糖心蛋都幾推薦，$10一粒糖心蛋，一咬落去蛋黃汁爆曬出嚟，有少少甜味唔錯。另外佢嘅炸魚皮都幾好食，唔係嗰啲炸耐左嘅魚皮，脆卜卜咁樣，浸左落湯10秒都脆脆地真係幾好食。