餓虎藏龍

营业中

休息中

雞翼真係有驚喜，外皮炸得非常脆，但唔會覺得油膩。最特別嘅係佢哋用咗蜂蜜柚子醬嚟調味，甜中帶有少少酸，味道非常清新，完全唔會覺得膩口。雞翼本身都好嫩滑，食落去一啖接一啖，真係停唔到口。鹹蛋黃喇沙軟殻蟹燉飯係成晚最有創意嘅fusion菜式，鹹蛋黃加喇沙湯底再配埋炸得脆卜卜嘅軟殼蟹。燉飯吸晒喇沙嘅濃郁湯汁，味道層次感十足，每一啖都有鹹蛋黃嘅香濃同喇沙嘅香辣。軟殼蟹炸得外脆內嫩，完全唔油膩，配埋個飯食真係一絕，呢個係我成晚最推薦嘅菜！