億饍 (已結業)

第一次黎食，好在早d黎到，見到8點到就坐滿晒人。打開餐牌見到有多款泰國、中式野提供，選擇多，價錢合理。椰子烏雞排骨燉湯 $72睇到好多篇食評都讚哩度既燉湯，我地都好想試下。燉湯係一盅咁上，聞到好香，見到好足料呢！哇～真係好清甜，少油，好飲呀真係！柚子鮮蝦沙律 $98好大隻蝦，爽口！加入新鮮柚肉酸酸甜甜非常開胃，宜家天氣咁熱食沙律作開胃菜最適合。火車頭牛肉河粉 $88任象中我第一次食火車頭湯河，其實都唔太清楚係咩，估係有好多料既湯河粉。勁多料呀！有牛根、牛展、牛柏葉、肥牛，個湯底好清甜，有別於其他泰國或者越南餐廳，哩度既湯河冇加入太多既香草，我反而更中意。鮮蝦蟹肉炒粉絲 $118我本身已經好中意食炒粉絲，哩碟入左蟹肉同蝦去炒到乾身好好味，我食唔停口。椰汁蛋白燉燕窩 $48未食都感覺到好養顏，好正啦！好多燕窩嫁，好足料！啖啖香滑椰奶同燕窩真係好幸福，女士們要試一試喇！