協奏坊西餐廳

食自助餐我最著重海鮮同甜品，今日嚟到Rosedale Hotel Kowloon。

一入門口，一盤盤海鮮冷盤等住你！青口、蜆、麵包蟹、鱈場蟹腳、 小龍蝦、海蝦等款式齊全，當中麵包蟹就最受歡迎，蟹蓋充滿蟹膏，啖啖鮮味香濃無比，完全攻佔味蕾。

熱盤方面淨係呢道法式紅酒燴牛尾已經夠滿足我，牛尾入曬味，肉質夠腍滑，拌上紅酒汁更突顯濃郁肉香。

最吸引眼球嘅當然係甜品section，除咗基本嘅蛋糕，慕絲，奶凍，西米露，仲連芒果糯米飯都有。 木桶豆腐花更附有雙色芋圓，啱曬我口味。三款鮮果甜度足，實在忍唔住拎完一次又一次。雪糕toppings夠曬繽紛，小朋友就最開心。