星座冰室 (已搬遷) 新店位置

四個男人去食飯，唔想話食得太貴，諗住幾十蚊落樓就算。諗諗吓就去呢度。四條友都食埋同一樣野，就係呢度最出名既茄牛麵，不過其中有兩個就加蛋，飲品就奶茶咖啡鴛鴦檸茶各一。落完單就大大聲傾計，飲品就好快到，但係麵就傾好耐都未到。唔緊要啦，反正唔係太趕，再等一陣ｄ麵就到。同上次食一樣，都係好足料，啖啖都食到蕃茄，牛肉都唔少。牛肉幾淋幾好食，同埋個湯酸酸地咁很開胃。凍奶茶俾我既感覺好多奶，卻都可以接受。間中去呢ｄ地方食吓野都唔錯，可高談濶論，暢所欲言。